Në Ditën e Çlirimit të Skenderajt, u bë zbulesa e shtatores së Zahide Jasharit, nënës së heronjve Adem dhe Hamëz Jashari.

Kjo vepër artistike, krijuar nga Sabri Behramaj, shfaqë Zahiden duke përkundur një fëmijë në djep — një imazh që përfaqëson dashurinë, sakrificën dhe shpresën për liri.

Artist i njohur, Behramaj, përmes një postimi në Facebook theksoi rëndësinë e figurës së Zahides.

“Figura e saj, duke përkundur një fëmijë në djep, na kujton se liria fillon aty ku lind jeta, në gjirin e nënës. Dhe se fuqia e një populli qëndron tek nënat e tij – që rrisin me dashuri, me qëndresë dhe me dinjitet. Nëna Zahide është një monument i gjallë i sakrificës dhe burrërisë së heshtur, dhe do qëndroj përjetësishtë në vendlindjen e vet në Skenderaj të Drenicës duke e perkundur djepin e lirisë! Lavdi përjetë familjes Jashari”, tha ai./Arbresh.info